Sei urte zituela abiatu zen dantzaren bidean. Errenteriako Ereintza Dantza Taldean ikasi zituen lehenengo urratsak, eta betiere arrasto horretatik abiatu da bere ibilbidean. Bertan jaso du dantza tradizionalean duen formazioa, eta taldearekin parte hartu du hainbat folklore saio eta nazioarteko jaialditan.. Oraindik ere talde horretako kide eta dantzaria da.
Kazetaritza ikasketak egin zituen EHUn, eta hasiera batean kazetari eta dantza maisu lanak tartekatu zituen. Dena den, laster dantzaren bidea jarraitzea erabaki zuen.
1999. urtean ‘Laxok’ taldeko sortzaileetako bat izan zen, eta bertan ‘Upeletan Erronka’ ikuskizuneko dantzari gisa jardun zuen. 2001. urtean Kukai Dantza Konpainia sortu zuen, eta gaur egun bertan buru-belarri lanean dihardu konpainiako zuzendari, koreografo eta dantzari gisa.
Bakarlari gisa, Euskal Herriko Aurreskulari Txapelduna izan da 1997, 98,98, 2000, 2002,2004 eta 2005. urteetan. Musikari eta artista ugarirekin elkarlanean jarduteko aukera izan du. Besteak beste, kolaborazioak egin ditu AIKO taldea, Juan Mari Beltran, Jose Inazio Ansorena, Joserra Senperena, Iñaki Salvador, Euskadiko Orkestra Sinfonikoa, Bilboko Orkestra Sinfonikoa, Carlos Nuñez, Andoni Egaña, Jon Maia eta abarrekin.
1997.urteaz geroztik, Errenteria Musical Musika eta Dantza Eskolako irakaslea da, dantza tradizionalean.
- Kukai Dantza Konpainia ||
- +34 675 705 902 ||
- ||
- Lege oharra