Kukai - Dantza konpainia
- Euskara
- Castellano
SINOPSIA:
Kalea, enparantza, pertsonen topaleku eta ekintzaren gune gisa. Ekintza, soka, the rope… Sokadantzak gizartearen bateratzea, partehartzea, irudikatzen du dantzaren bidez, eta Kukai Dantza Konpainiak usadio zahar horren begirada berri bat proposatzen du ikuskizun honetan. Begirada berri bat gaurko begietatik, gaur egungo sortzaile gazteen begietatik.
SOKA bost dantzari eta bi perkusio jolerentzako pieza koreografikoa da, Kukai Dantza Konpainiaren eta Pantxika Telleria koreografoaren arteko topaketaren fruitua. Kalea ekintzaren ardatz bezala, eta pertsonen bat egitea, norgehiagoka, bat-batekotasuna, eskaintza… dantzarien arteko elkarrizketaren emaitza. SOKA bilaketa lan interesgarri baten ondorioa da, eta bilaketa honen ardatza desoreka izan da. Desoreka mugimenduan bertan, baina sakonkiago ere pertsonaietan: interprete batetik bostera, bostetik batera barneko bizitza agerian utziz.
FITXA ARTISTIKOA:
Proiektuaren zuzendaritza: Jon Maya
Koreografia: Pantxika Telleria, Jon Maya eta interpreteak
Dantzariak: Alain Maya, Urko Mitxelena, Eneko Gil, Vanesa Castaño eta Nerea Vesga
Musika zuzendaritza: Iñaki Telleria.
Zuzeneko musikariak: Iñaki Telleria eta Jorge Pacheco.
Jantziak: Carhart.
Argazki eta Irudiak: Xabier eta Iñaki Zapirain.
Diseinua: Tempo.
Produkzioa: KUKAI Dantza Konpainia
