Kukai - Dantza konpainia

30 Abendua

KUKAI DANTZA KONPAINIAK 'HOSTOAK' IKUSKIZUNEAN HARTUKO DU PARTE OREKA TX ETA AMAIREN ALABAK TALDEEKIN BATERA

musika eta dantzan oinarritutako ‘Hostoak’ ikuskizuna otsailean estreinatuko da. Bertan, Kukai Dantza konpainiak OREKA TX eta AMAREN ALABAK musika eta kantu taldekin jardungo du.
Dagoeneko ikuskizun honen hainbat data zehaztuta daude, eta sarrerak dagoeneko salgai daude:

DATAK:
Otsailak 19an; DONOSTIAN, Kursaalen
Otsailak 25ean, BAIONAN, Antzokian
Otsailak 26ean, IRUÑEAN, Gaiarre Antzokian
Martxoak 16an, BILBAON, Arriaga Antzokian
Martxoak 31ean, GASTEIZEN, Principal Antzokian

IKUSKIZUNAREN FITXA:

Zuzendaritza; Mireia Gbilondo eta Igor Otxoa
Koreografia: Jon Maya
Musika zuzendaritza: Harkaitz Mtez. De San Vicente
Dantzariak: Jon Maia/Ibon Huarte, Alain Maia, Urko Mitxelena, Eneko Gil, Nagore Indakoetxea, Nerea Vesga.
Kantariak: Maider eta Graxi Bedaxagar, Lüxi Agergarai, Arantxa Camus, Ihitz Iriart eta Maika Etxekopar.
Musikariak: Harkaitz Mtez. De San Vicente, Igor Otxoa, Mikel Ugarte, Iñigo Egia, Mixel Ducau eta Juanjo Otxandorena.
Ikuskizun honek baditu dagoeneko emanaldi data batzuk: Otsailaren 19an Donostian Kursaal-en eskainiko da, otsailaren 25ean Baionan, otsailaren 26an Iruñean, Gayarren antzokian, martxoaren 16an Bilboko Arriaga antzokian izango da, eta martxoaren 31an Gasteizko Principal antzokian.

23 Abendua

KUKAI 2011.URTEKO PROIEKTU BERRIETAN LANEAN ARI DA DAGOENEKO, HONA HEMEN AURRERAPEN BAT

2011. urteko maiatzean KARRIKAN izeneko kale ikuskizuna estrienatuko du Kukaik, Leioako Umore Azokan. Lan horretarako hiru koreografo gonbidatu ditu, bakoitzarekin pieza bat lantzeko. Damian Muñoz eta Virginia Garcia, Iker Gomez eta Pantxika Telleria dira koreografo horiek, eta aste honetan sorkuntza prozesuan ari dira.
Hona hemen, Iker Gomez sortzailearen AUPA MUTIL! piezaren aurrerapen txiki bat:

23 Abendua

DANTZAN.COM WEBGUNEAK KUKAIK 2011EAN IZANGO DITUEN PROIEKTUEN AURRERAPENA ARGITARATU DU: 'HOSTOAK' ETA 'KARRIKAN'

Dantzan.com atariak Kukaik 2011. urtean landuko dituen proiektu berrien aurrerapena egin du. Otsailean, ‘Hostoak’ ikuskizunaren estreinaldian hartuko du parte, Oreka Tx eta Amaren Alabak musika taldeekin batera. Maiatzean, aldiz, ‘Karrikan’ kale ikuskizun berria estreinatuko du. Proiektu horretarako, Kukaiko dantzariak egunotan Damian Muñoz eta Virginia Garcia, Iker Gomez eta Pantxika Telleria koreografoekin ari dira lanean.

DANTZAN.COM

15 Azaroa

ORERETA IKASTOLAKO IKASLEAK DANTZARA GERTURATU DIRA KUKAI DANTZA KONPAINIA ETA BALLET BIARRITZEN ESKUTIK

Ballet Biarritzeko Gael Domenguer irakasleak dantza tailer berezia eskaini du Orereta Ikastolako DBHko 3. eta 4. mailako ikasleentzat, eta azken asteotan Kukai dantza konpainiako dantzariak bisita bereziak egiten ari dira ikasleei dantza emankizun laburrak eskainiz eta beren lanaren berri emanez. Ekimen honetan 300 ikasle baino gehiago hartzen ari dira parte, Kukai Dantza konpainiaren eta Errenteriako Udalaren eskutik.

OARSOALDEKO HITZA

14 Azaroa

IGANDEAN 'HNUY ILLA' IKUSKIZUNA PARISEN AURKEZTUKO DU KUKAI-TANTTAKAK, DON QUIJOTE FESTIBALAREN BAITAN

Don Quijote festibalean izango da Kukai-Tanttaka asteburuan, Parisen. Bertan, HNUY ILLA ikuskizuna aurkeztuko du, Cafe de la Danse antzokian. Joseba Sarrionandiaren poesian inspiratutako ikuskizuna da HNUY ILLA, Mireia Gabilondoren zuzendaritzarekin, Jon Mayaren koreografiarekin eta Iñaki Salvadorren musikarekin.

FESTIVAL DON QUIJOTE
CAFE DE LA DANSE

07 Azaroa

LARUNBATEAN '(SOK)2' IKUSKIZUNA DONOSTIAN EMANGO DU KUKAIK, EGIAKO GAZTESZENA ARETOAN

Kukairen azken sorkuntza Donostian ikusteko aukera izango da larunbatean. 20:00etan Gazteszena aretoan izango da emanaldia.
Sokadantza inspirazio iturri hartuta egindako lana da, soka bere zentzu fisiko zein poetikoan lantzen du zazpi dantzari eta hiru musikarirentzako prestatutako ikuskizun honek.

SARRERAK EROSTEKO

SOK2 INFORMAZIOA

11 Urria

KUKAIK 'SOKA' IKUSKIZUNAREN PASARTE BATEKIN HARTUKO DU PARTE MUSEUM CEMENTO REZOLA-REN 10. URTEMUGAN

Añorgan kokatutako museoak egitarau zabala antolatu du urria osoan zehar, bere 10. urtemuga dela eta. Kukaik ‘soka’ ikuskizunaren pasarte bat eskainiko du, ostegunean 19:30ean, museoaren aurrean.

EGITARAUA OSORIK

03 Urria

ARTEARTEAN (SOK)2 IKUSKIZUNA GIJON DANZA FESTIBALEAN ESKAINIKO DU KUKAI DANTZA KONPAINIAK

Gijongo festibalak egitarau oparoa eskainiko du. Kukairen emanaldian Instituto Zaharreko Patioan izango da, asteartean 20:30ean:

EGITARAU OSOA

29 Iraila

SUD OUEST EGUNKARIAK KUKAIK HENDAIAN EGINAKO EMANALDIARI BURUZKO ERREPORTAJEA ARGITARATU DU

Dantza Hirian jaialdiaren baitan, SOKA ikuskizunaren hainbat emanaldi eskaini ditu Kukaik ikasleentzat. Errenterian, Hendaian, Ziburun eta Azkainen izan dira saioak, eta guztira 1.500 lagun inguruk ikusi dute ikuskizuna. Sud Ouestek Hendaiako emanaldiaren albistea jaso du:

SUD OUEST

28 Iraila

DANTZA HIRIAN JAIALDIKO EKITALDI GUZTIAK ARRAKASTA HANDIZ PASATU DIRA, JENDETZA BILDU DA EKITALDIETAN

Jendeak interes handiarekin jarraitu ditu ostiraleko zein igandeko emanaldiak:

ESKOLENTZAKO EKITALDIA
IKUSKIZUNAK KALEAN
KRITIKA