Tanttaka Teatroa
Euskal teatroaren erreferentzia handia. Kukai eta Tanttakak 2002. Urtetik jarduten dute elkarlanean. Lau ikuskizun koproduzitu dituzte eta beste hainbat proiektuetan ere elkarlanean jardun dira bi konpainietako talde artistikoak. Elkarrekin koproduzitutako ikuskizunak: '1937, gogoaren bidezidorretatik' (2002), 'Otehitzari Biraka' (2005), 'Hnuy Illa' (2008) eta 'Komunikazioa/Inkomunikazioa' (2013).
Mireia Gabilondo
Aktore, gidoigile eta eszena zuzendaria. Tanttaka Teatroarekin batera produzitutako ikuskizunen zuzendaria. Beste hainbat proiektutan ere elkarrekin jardun dute Gabilondok eta Kukaik: 'Hostoak', 'Sorgiñeta', 'AT!'...
Cesc Gelabert
Dantza garaikidearen erreferentzietako bat, dantza alorreko pertsonalitate bat. Dantzaria, koreografoa eta Gelabert Azzopardi konpainiako zuzendaria. 'Gelajauziak' izeneko pieza osatu Kukai Konpainiarekin.
La intrusa danza (Damián Muñoz-Virginia García)
Bartzelonan finkatutako bi euskal koreografo hauek ibilbide oparoa osatu dute mundu osoan, La Intrusa Danza konpainian. Kukai Konpainiarekin 'Sorbatza' pieza landu dute.
Jone San Martín
Dantzari eta koreografo donostiarra, Forsythe Ballet konpainiako dantzaria. 'Komunikazioa/Inkomunikazioa' ikuskizunean koreografo laguntzaile gisa egin du lan.
Israel Galván
Dantzari bikaina eta flamenko garaikidearen erreferentea. "Komunikazioa-inkomunikazioa" ikuskizunean parte hartu du.
Iker Gómez
Madrilen finkatutako euskal koreografoa. Iker Gómez Teatro Fisiko konpainiako zuzendaria. 'Karrikan' eta 'OUT/IN' ikuskizunean barneratutako 'Aupa Mutil' pieza koreografikoa landu du Kukai konpainiarekin.
Malandaine Ballet Biarritz
Miarritzen kokatutako Zentro Koreografikoa. Thierry Malandaine koreografoak zuzentzen duen ballet handia. Kukaik antolatutako Dantzaren Sentsibilizaziorako Programazioan ohiko kolaboratzailea.
Pantxika Telleria-Elirale Konpainia
Koreografo lapurtarra, Elirale Konpainiako zuzendaria. 'Soka' eta '(SOK)2' ikuskizunetan lan egin zuen koreografo gisa. Horrez gain, Kukai eta Elirale konpainiak dantzari gazteen formaziorako proiektu komun bat dute Euskadi eta Akitaniako lur eremuaren kontestuan.
Oreka Tx
Txalaparta berriaren ordezkari nagusia. Musika eta zinema proiektuekin mundu osoan zabaltzen ari dira beren lana. Kukai eta Oreka TX konpainiek 'Hostoak' ikuskizunean topo egin zuten lehen aldiz. Gerora, hainbat proiektutan jardun dute elkarlanean.
Zigor DZ
Zigor Lanpre DJa. Esne Beltza eta Fermín Muguruza taldeetako musikaria. 'Karrikan' ikuskizunean zuzeneko musikari gisa jarduten du.
Iñaki Salvador
Musikari eta konpositore handia, jazz musikan erreferentzia bat. 'Hnuy Illa' ikuskizuneko musika egilea, eta hainbat ekitaldi berezitan laguntzaile.
Iñaki Telleria
Esperientzia handiko perkusio jolea. Barakaldoko Musika Bandako musikaria, Krater Ensemble musika garaikideko taldeko kidea eta orkestra eta musikari askoren ohiko kolaboratzailea. 'SOKA' eta '(sOK)2' ikuskizuneko musika sortu du eta zuzeneko musikari gisa jarduten du bi ikuskizun horietan eta 'Komunikazioa/Inkomunikazioa' ikuskizunean.
Sabin Bikandi
Musikari, konpositore, dantza maisu, etnomusikologian doktore... Bilbaoko Udal Txistu taldeko danboliteroa eta AIKO taldeko ekintzailea. Gelajauziak ikuskizunean interprete dantzari eta musikari gisa.
Xabier Erkizia
Musika sortzailea. "Komunikazioa-inkomunikazioa" eta "Gelajauziak" ikuskizunetan parte hartu du.
Logela Multimedia
Ikus-entzuneko alorrean eta bideo sorkuntzan talde erreferentziala. Kukai eta Logela Multiemdiak 'Latidos/Taupadak' ikuskizuna osatu zuten 2007. Urtean, Valladolideko Nazioarteko Kaleko Arteen Jaialdiaren enkarguz. Bestelako kolaborazioak egin dituzte, 'Mapping', esate baterako.
AIKO Taldea
Musika eta Dantza maisu talde batek osatutako kolektiboa. Dantzaldi Ibiltaria, diskoen argitaloenekin eta hainbat proiekturekin dantza eta musikaren arteko harremanean sakontzen dute. Hainbat formazio proiektutan kolaboratzaile.
